Dar hai... chuppi hai... ghabrahat hai... bechaini hai...
Har din utho toh ek naya sawal hai...
Usi purane mahol mein...
Pata hai uthke same schedule follow karna hai,
Lekin phir bhi mann mein ek bhoochal hai...
Har roz uthke khudko ek hi baat samjhana,
Aur uske baad wapas se wohi himmat jutana...
Mushkil toh hai... thoda nahi, bahut!
Lekin samajh nahi aata ki iske alawa vikalp kya hai...
Na koi bhaagne ki jagah hai, aur na wajah...
Manzil bhi khudki hai, aur haar bhi...
Jung bhi apni hai, aur tiraskaar bhi...
Lekin haan, uljhi hoon roz unhi sawalon mein...
Mann ghabraye... vishwas toot jaye...
Phir bhi lagi hoon samatne mein ek aas mein...
Ki shayad agla suraj mere paksh ka hoga,
Jo andhera hai use le jayega...
Aayegi wapas woh sunheri dhoop,
Woh mera noor mujhe shayad wapas de jayega...
Jo dar hai use apne saath daba jayega,
Aur jo jazba tha, shayad woh ek baar phir apna parcham lehrayega...
Tab tak lagi hoon,
Phir ek koshish mein...
Pehle khud se khud ki jung,
Aur phir samaj se jeetne mein...
Likhna meri kala hai...
Aur shyd samjhana aapki,
Kyunki har ek panna hai ek nayi kahani,
Aur yeh hain kuch uljhe sa
wal... Shivani ki zubaani...